कराडौं मूल्य खर्चेर प्रभासले किने नयाँ कार

  

एजेन्सी । सुपरहिट फिल्म ‘बाहुबली’का स्टार प्रभास साउथ फिल्मका सबैभन्दा महंगा अभिनेतामध्ये एक हुन् । ‘साहो’ बाट बलिउडमा गरेका प्रभासले महँगो रकम खर्चेर नयाँ कार किनेका छन् ।

प्रभासलाई कारका निकै सौखिन मानिन्छ । उनीसँग करोडौं मुल्यका थुप्रै लग्जरियल कारहरु छन् । उनले भारतीय ६ करोड खर्चेर नयाँ लेम्बर्गिनी एभेन्टाडोर एस रोडस्टर कार खरिद गरेका हुन् । उनले यो कार आफ्नो पिता सूर्या नारायण राजूको बर्थ एनिभर्सरीमा किनेको बताइएको छ । 

यसका साथै साउथमा लेम्बर्गिनी कारमा हुइँकिने उनी एक्ला अभिनेता पनि बनेका छन् । यो कारसँगै उनीसँग सवा करोडको जगुआर एक्सजे, ८ करोडको रोल्स रोयस फ्याटम, ५० लाखको बीएमडब्ल्यू एक्स ३, ४ करोडको रेन्ज रोभर र ३० लाखको सेडान कार स्कोडा सुपर्ब कारहरु रहेका छन् । 

कामको कुरा गर्दा उनीसँग अहिले ठूला बजेटका ‘सलार र आदिपुरुष’ फिल्म छन् भने ‘राधे श्याम’ प्रदर्शनको पखाईमा छ ।