बायर्न म्युनिकमाथी पीएसजीको जितः चेल्सीले पोर्टोलाई हरायो

  

पेरिस । बुधबार युरोपेली च्याम्पियन्स लिग अन्तिम आठको पहिलो लेगको खेलमा पेरिस सेन्ट जर्मेन (पीएसजी) ले डिफेन्डिङ च्याम्पियन बायर्न म्युनिकलाई उसकै घरमा ३–२ ले हराएको छ ।
गत वर्षको प्रतियोगिताको फाइनलमा यिनै दुई टिम भिडेका थिए ।

यसपल्ट पीएसजीले प्राप्त गरेको जितमा केयलिन एमबापेले दुई गोल गरे । उसका लागि अर्को गोल मारक्विन्होसले गरे ।बायर्नका लागि भने एरिक म्याक्सिम र थोमस मुलरले गरे ।

त्यस्तै अर्को खेलमा चेल्सीले पोर्टोको घरमा २–० को जित निकाल्यो र सेमिफाइनलका लागि आफूलाई बलियो प्रत्यासी बनायो । चेल्सीको यस जितमा मेसन माउन्ट र बेन चिलवेलले गोल गरे । घर बाहिर प्राप्त यी जितपछि पीएसजी र चेल्सी दुवै दोस्रो लेगको खेल अगाडि बलियो स्थितिमा रहन सफल रह्यो ।