राजकुमार फिलिपको अन्तिम संस्कारका दृश्य तस्बिरमा

  

एजेज्सी । ब्रिटेनकी महारानी एलिजाबेथ द्वितीया, उनको परिवार र पूरै ब्रिटेनले उनका पति राजकुमार फिलिपको शनिवार विन्ड्सर कासल परिसरमा अन्तिम बिदाइ गरेका छन्।

सेन्ट जोर्जेज् च्यापलमा गरिएको अन्तिम संस्कारमा महारानी सबैभन्दा नजिक एक्लै बसेकी थिइन्। उनका जेठा छोरा प्रिन्स अफ वेल्स र बुहारी विपरीत बसेका थिए।

उनको शव प्राइभेट च्यापलबाट सेन्ट जोर्जेज् च्यापलसम्म लगिँदा राजपरिवारका नौ प्रमुख सदस्यहरू शवपेटिका राखिएको ल्यान्ड रोभर कारको पछिपछि हिँडेका थिए।

त्यसरी हिँडेकामध्ये तेस्रो लहरमा ड्यूक अफ केम्ब्रिज र राजकुमार ह्यारी पनि थिए। राजकुमार फिलिपको शोकमा एक मिनेटको मौनधारणअघि महारानीको गाडी आइपुगेको थियो।

सयौँ मानिसले घोडसवार सैनिकहरू विन्ड्सर कासलमा गएको दृश्य हेरेका थिए। राजकुमार फिलिपलाई बिदाइ गर्न केही सर्वसाधारण उपस्थित भए पनि कोभिड प्रतिबन्धका कारण त्यहाँ भिड थिएन।

सबै तस्बिरहरूको सर्वाधिकार उल्लेख गरिएका छन्। (बीबीसी नेपाली)