आइपीएलः हैदरावादको पहिलो जित

  

काठमाडौं । १४ औं संस्करणको इन्डियन प्रिमियर लिग (आईपीएल) मा सनराइजर्स हैदराबादले पहिलो जित निकालेको छ । बुधबार भएको खेलमा हैदराबादले पन्जाब किङ्सलाई ९ विकेटले पराजित गर्दै पहिलो जित निकालेको हो । 

पन्जाबले दिएको १२१ रनको सामान्य लक्ष्य हैदराबादले १८ ओभर ४ बलमा १ विकेट गुमाउँदै पूरा गरेको हो । हैदराबादका लागि जोनी बेरेस्टोले ५६ बलमा ६३ रनको अर्धशतकीय पारी खेले । उनले ३ चौका र ३ छक्का प्रहार गरे । त्यस्तै डेभिड वार्नरले ३७ रन बनाउँदा केन विलियमसनले १६ रनको योगदानी दिए । 

बलिङतर्फ पन्जाबलका लागि एकमात्र विकेट फाबियन एलेनको नाममा रह्यो । 

यसअघि टस जितेर पहिले ब्याटिङ गरेको पन्जाब किङ्सले १९ ओभर ४ बलमा अल आउट हुँदै १२० रन बनाएको थियो । पन्जाबका लागि मयंक अग्रवाल र साहरुख खानले समान २२–२२ रन जोडे । त्यस्तै क्रिस गेलले १५ रन बनाए । 

बलिङतर्फ हैदरावादका लागि कहलेल अहमेदले ३ विकेट, अभिषेक शर्माले दुई विकेट र भुवनेश्वर कुमार, शिदार्थ कउल र राशिद खानले समान १–१ विकेट लिए । 

जितसँगै हैदराबादले ४ खेलबाट २ अंक जोडेको छ । हैदराबाद तालिकाको पाँचौं स्थानमा छ । पराजित २ अंकसहित तालिकाको पुछारमा झरेको छ ।