प्रेमीसँग सुपुष्पाले गरिन् इन्गेजमेन्ट

  

काठमाडौं । फिल्म ‘रणवीर’बाट अभिनेत्रीको रुपमा नेपाली चलचित्रमा उदाएकी सुपुष्पा भट्टले इन्गेजमेन्ट गरेकी छन् । बुधवार ‘कबड्डी’ निर्माता रौनिक विक्रम कँडेलसँग उनले इन्गेजमेन्ट गरेकी हुन् । 

दुई पक्षका परिवारको मात्र उपस्थितिमा काठमाडौंको गैरीधारास्थित ‘सिल्भर वक बैंक्वेट’ मा इन्गेजमेन्ट समारोहमा भएको थियो ।  एक वर्षदेखि प्रेममा रहेका सुपुष्पा र रौनकले यसै वर्ष विवाह गर्ने बताएका छन् । 

 ‘रणवीर’ पछि सुपुष्पाले फिल्म ‘छ माया छपक्कै र चपली हाइट ३’ मा काम गरेकी थिइन् । रौनक भने पछिल्लो समय फिल्म निर्माणमा सक्रिय छैनन । उनी विभिन्न व्यवसायमा लागेका छन्