जापानी पत्रकार यूकी बिरुद्द म्यानमारको अदालतमा मुद्दा दायर, गलत सूचना सम्प्रेषण गरेको आरोप

  

(photo-AP)

काठमाडौं । म्यानमारी सेनाको नियन्त्रणमा रहेका जापानी पत्रकार किताज़ुमी यूकी बिरुद्द त्यहाको सेनाले मुद्दा चलाएको छ । जापनाले पत्रकार यूकिलाइ बिना शर्त रिहाइ गर्न माग गरिरहेका बेला म्यानमारी सेनाले गलत सूचना प्रवाह गरेको आरोपमा उनि बिरुद्द अदालतमा मुद्दा दायर गरेको म्यानमार स्थित जापानी दुतावासलाई उद्धृत गर्दै जापानको सरकारी संचार संस्था एन एच केले जनाएको छ ।

'म्यानमारमा नागरिकहरु असुरक्षित छन्' भनि झुटो सूचना सम्प्रेषण गरेको आरोप लगाउदै सोमबार पत्रकार यूकी बिरुद्द स्थानीय अदालतमा मुद्दा दायर गरिएको म्यानमार स्थित जापानी दुतावासले पुष्ठी गरेको हो । पत्रकार यूकीको गिरफ्तारी न्यायसंगत नभएको भन्दै जापानी दुतावासले उनको रिहाइका लागि पहल गर्ने र मुद्दा मामलाका बिषयमा पनि आबश्यक सहयोग गर्ने बताएको छ । यूकीलाइ त्यहाको सेनाले गत महिनाको १८ तारिख निवासबाट नियन्त्रणमा लिएको थियो ।

अदालती प्रकृयामा गएपछि पत्रकार यूकीको हिरासत बसाइ लम्बिने भन्दै अधिकारीहरुले चिन्ता ब्यक्त गरेका छन् ।  

उनले म्यानमारको पछिल्लो अबस्था बारे विभिन्न सामाजिक संजाल सहित जापानका संचार माध्यमहरुमा समाचार सम्प्रेषण गर्ने गरेका थिए । सेनाको नियन्त्रणमा रहेका पत्रकार यूकीको स्वास्थ्य अबस्था भने सामान्य रहेको समाचारमा उल्लेख छ ।