कोरोनाका कारण आइपिएल स्थगित

  

एजेन्सी । भारतमा जारी १४ औँ संस्करणको इन्डियन प्रिमियर लिग (आइपिएल) स्थगित भएको छ।

कोरोना महामारीका कारण भारतीय क्रिकेट कन्ट्रोल बोर्ड (बिसिसिआई) ले मंगलबार अनिश्चितकालका लागि आइपिएल स्थगित गरेको हो । 

खेलाडीहरु तथा टिम स्टाफहरूमा कोरोना संक्रमण देखिन थालेपछि बिसिसिआईले अनिश्चितकालका लागि आइपिएल स्थगित गरेको बताएको छ ।

 कोलकाता नाइट राइडर्सका २ तथा  सनराइजर्स हैदरावाद र दिल्ली क्यापिटल्सका एक–एक खेलाडीमा कोरोना संक्रमण पुष्टि भएको थियो।

यसका साथै चेन्‍नईका मुख्य कार्यकारी अधिकारी कासी विश्वनाथन, बलिङ कोच एल बालाजी र एक बस क्लिनरलाई पनि कोरोना देखिएको थियो । यस सिजनमा २९ खेलहरु भइसकेका छन् । दर्शकविनै रंगशालामा खेलहरु खेलाइँदै आएको थियो।