राष्ट्रपतिबाट नयाँ सरकार गठनका लागि दलहरुलाई आह्वान

  

राष्ट्रपति विद्यादेवी भण्डारीले नयाँ सरकार गठनका लागि नेपालको संविधान २०७२ को धारा ७६ (२) बमोजिम राजनीतिक दलहरुलाई आह्वान गर्नुभएको छ । 

सो धारा बमोजिम दुई वा दुई भन्दाबढी दलहरुका तर्फबाट नयाँ सरकारका लागि दाबी पेश गर्न सक्नेछन् । 

वर्तमान सरकारका प्रधानमन्त्री केपी ओलीले सरकारमा बसिरहन विश्वासको मत गुमाएपछि राष्ट्रपतिबाट नयाँ सकारका लागि दुई वा दुई भन्दाबढी दलहरुलाई यसरी आह्वान भएको हो ।

दुई वा दुई भन्दाबढी दलले नयाँ प्रधानमन्त्रीको दाबी सहित पेश गर्ने समय यही वैशाख ३० गते विहीबार साँझ ९ बजेसम्मका लागि दिइएको छ । 

हाल कायम रहेको सरकार नेपालको संविधानको धारा ७६ (३) बमोजिमको नेकपा एमालेको अल्पमतको सरकार थियो । सो सरकारले पनि आज संसदमा भएको मतदानमा विश्वास गुमाएको हो ।