रिलिज हुनुभन्दा पहिले नै 'आरआरआर'ले कमायो ३२५ करोड

  

एजेन्सी । चलचित्र ‘बाहुबली’ फेम निर्देशक एसएस राजामौलीको आगामी चलचित्र ‘आरआरआर’ले प्रदर्शन हुनुअघि नै नयाँ रेकर्ड राख्न सफल भएको छ । 

‘आरआरआर’ले आफ्नो डिजिटल र स्याटेलाइट राइट्स ३ सय २५ करोड भारतीय रुपैयाँमा बिक्री गरेसँगै नयाँ रेकर्ड राख्न सफल भएको हो । यो भारतमा कुनैपनि चलचित्रको अहिलेसम्मकै ठूलो ‘पोस्ट रिजिल डील’ हो। ‘आरआरआर’का निर्माताले जी ग्रुपसँग उक्त सम्झौता गरेका हुन्।

उक्त सम्झौता हिन्दी, तमिल, तेलुगु, कन्नड र मलयालम गरी  सबै भर्सनका लागि भएको भारतीय सञ्चारमाध्यमले जनाएका छन् ।

चलचित्र १३ अक्टोबरमा रिलिज हुने भनिए पनि कोरोनाका कारण रिलिज डेट सर्नसक्ने बताइएको छ । 

एसएस राजामौलीको निर्देशन रहेको चलचित्रमा राम चरन, जुनियर एनटीआर, अजय देवगन, आलिया भट्ट प्रमुख भूमिकामा छन् ।