लुम्बिनीमा राष्ट्रिय सभा उपनिर्वाचन सुरुः मतदानस्थलमा यस्तो चहलपहल (फोटोफिचर)

  

लुम्बिनी । लुम्बिनी प्रदेशको राष्ट्रिय सभामा रिक्त १ सदस्य पदको उपनिर्वाचनका लागि मतदान सुरु भएको छ । माओवादी केन्द्रबाट राष्ट्रिय सभा सदस्य बनेका चन्द्रबहादुर खड्का एमाले प्रवेश गरेपछि उक्त सदस्यको स्थान रिक्त भएके थियो । आजको चुनावमा एमालेले खड्कालाई नै उम्मेदवार बनाएको छ ।

काँग्रेस, माओवादी केन्द्र, जनता समाजवादी पार्टी र राष्ट्रिय जनमोर्चाको विपक्षी गठबन्धनले दृगनारायण पाण्डेलाई साझा उम्मेदवार बनाएको छ । आजको मतदानमा लुम्बिनीमा प्रदेश सभा सदस्य र स्थानीय तहका जनप्रतिनिधि गरी मतदाताको कुल संख्या तीन सय जनाले मतदान गर्दै छन् ।

दाङको घोराहीस्थित कर्मचारी मिलन केन्द्र परिसरको तीनवटा मतदान केन्द्र मतदाताले मतदान गर्ने क्रम सुरु भएको छ ।