पश्चिम बंगालमा चट्याङः एकै रात २३ जनाको मृत्यु

  

काठमाडौं । चट्याङ लागेर भारतको पश्चिम बंगालमा एकैरात २३ जनाको मृत्यु भएएको छ । बीबीसीका अनुसार हिजो (सोमबार) राति पश्चिम बंगाल राज्यको ३ जिल्लामा चट्याङ लागेर कुल २३ जनाको ज्यान गएको हो ।

भारतीय सरकारी अधिकारीहरूका अनुसार हुग्लीका १० जना, मुर्शिदाबादका नौ जना, हावडामा दुई र पश्चिम मेदिनीपुर जिल्लामा दुई जना गरी कुल २३ जनाको ज्यान गएको हो । 

उक्त चट्याङबाट ज्यान गुमाएका परिवारको लागि भारतीय प्रधानमन्त्री नरेन्द्र मोदीले राष्ट्रिय विपत्ति राहत कोषबाट २ लाख रुपैयाँ क्षतिपूर्ति दिने घोषणा गरेका छन् । 

भारतीय सञ्चारमाध्यमका अनुसार राज्यमा सत्तारूढ टीएमसीका राष्ट्रिय महासचिव, सांसद अभिषेक बनर्जीले बुधबार र बिहिबार तीनै जिल्लाका मृतकको घरमा गएर आफन्तहरूलाई भेट्ने तयारीमा रहेका छन् ।