वैज्ञानिकको दावी : कोरोना संक्रमणको देखियो यस्तो नयाँ लक्षण

  

काठमाडौं । कोरोना भाइरसको संक्रमण हुँदा नयाँ-नयाँ लक्षण देखिन थालेका छ । युनिभर्सिटी अफ इस्ट एनग्लियाका वैज्ञानिकले नङको रङमा परिवर्तन कोरोना संक्रमणको लक्षण भएको दावी गरेको हो । 

वैज्ञानिक भन्छन्, "नङको आधा भागको रंग बदलिनु भाइरसका कारणले हुन सक्छ। संक्रमण भएपछि भाइरसको असर बढ्दै जाँदा रक्तनली क्षतिग्रस्त हुन सक्छ। जसको परिणाम नङको रङ बदलिन्छ। संक्रमितमा रगत जम्ने समस्याका कारण पनि यस्तो हुन सक्छ।"

नङको रङमा परिवर्तनलाई उनीहरूले ‘कोभिड नेल’ नाम दिएका छन्। अहिलेसम्म ज्वरो, खोकी, थकान तथा गन्धरस्वाद थाहा नपाउनुलाई कोरोना संक्रमणका लक्षण मानिएको थियो।

अनुसन्धान प्रतिवेदनअनुसार यस्तो लक्षण कति दिनसम्म रहन्छ भन्ने विषयमा अहिलेसम्म खुलेको छैन। अनुसन्धानले कोरोनाका बिरामीमा नङको रङ परिवर्तन भएको एक हप्तादेखि ४ हप्तासम्म देखिएको पाइएको छ।