गण्डकीमा माधवको बोली नबिकेपछि...

  

सापकोटाले नेता नेपाललाई भन्नुभएको थियो- 'गण्डकीको र त्यसमा पनि बाग्लुङको राजनीति फरक छ, म मुख्यमन्त्रीकै पक्षमा उभिन्छु'


काठमाडौ । गण्डकी प्रदेशका मुख्यमन्त्री पृथ्वीसुब्बा गुरुङको बिपक्षीमा मतदान गर्न एमाले नेता माधव नेपालको निर्देशनलाई उहाँ निटक मानिएका सांसद ईन्द्रलाल सापकोटाले ईन्कार गर्नुभएको छ । 

मुख्यमन्त्री गुरुङ्गले विश्वासको मत लिने प्रक्रिया सुरुभएदेखि नै सबैको ध्यान सापकोटामाथि नै थियो । बिहिबार बिहान पनि माधव नेपालले नै फोन गर्दै सापकोटालाई गुरुङको बिपक्षमा उभिन निर्देशन दिनुभएको थियो । 

स्रोतका अनुसार नेता नेपालले सापकोटालाई भन्नुभयो, 'तपाईले मुख्यमन्त्रीको बिपक्षीमा उभिनुपर्छ नत्र ठिक हुदैन ।' नेता नेपाललाई सापकोटाले भन्नुभयो, 'गण्डकीको राजनीति फरक छ त्यसमा पनि बाग्लुङको झनै फरक छ, त्यसैले म मुख्यमन्त्रीको पक्षमा नै उभिन्छु ।' 

बिहिबार बिपक्षीमा जुटेको ३० कायम रहेको अबस्थामा थप एक मत आबश्यक पर्छ त्यसका लागि सापकोटाको समर्थन लिएर नेपाली कांग्रेसका संसदीयदलका नेता कृष्णचन्द्र नेपालीको नेतृत्वमा सरकारका लागि दाबी गर्ने तयारी केन्द्रका बिपक्षी नेताहरुले गरेका छन् । 

तर सापकोटा गुरुङ्गका पक्षमा उभिएपछि बिपक्षीलाई बहुमत पुर्योउन सकस भएको छ । दुबैतिर नखुलेका सासद दिपक गुरुङ र पर्ख र हेरमा रहेका जनमोर्चाका कृष्ण थापा र खिम बिक्रम शाहीले पनि कसलाई समर्थन गर्छन भन्ने अन्योल कायम रहेको एक सांसदले बताए । 

मुख्यमन्त्री गुरुङको पक्षमा बहुमत नपुगेपछि अब प्रदेश प्रमुख सीता पौडेलले प्रदेश शभाका बहुमत सदस्यको समर्थनसहित मुख्यमन्त्री बन्नका लागि आह्वान गर्नुहुने छ । दुबै पक्षसँग स्पष्ट बहुमत नपुग्ने अबस्था भए गण्डकी प्रदेश सभा बिघटन भएर मध्यावधी निर्वाचनमा जाने अबस्था आउने ती साँसदले जानकारी दिनुभयो ।