चक्कु प्रहार गरिएका घाइतेको ज्यान जोगाउन आलुचिप्सको खोल

  

एजेन्सी । न्यूयोर्कमा एक प्रहरी अधिकृतले चक्कु प्रहार गरिएका एक घाइतेको ज्यान जोगाउन गरेको प्रयासको व्यापक प्रशंसा भएको छ।

रोबर्ट केनिडी नामक ती प्रहरीले आलुचिप्सको खोल र टेप प्रयोग गरेर ती घाइते व्यक्तिको शरीरबाट रक्तस्राव हुन रोकेका थिए। त्यसै कारण उनको ज्यान जोगिएको चिकित्सकले बताएका छन्।

हार्लममा गरिएको उक्त उद्धारको प्रयासको दृश्य शरीरमा जडित बडी क्यामराले खिचेको थियो।

ती घाइते व्यक्ति गम्भीर तर स्थिर अवस्थामा भएको बताइएको छ।