पूर्वप्रम ओली निर्माणाधिन गौतम बुद्ध अन्तराष्ट्रिय विमानस्थलमा

  

(तस्बिरः सागर पाण्डे)

रुपन्देही। नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले रुपन्देहीको भैरहवामा निर्माणाधिन गौतम बुद्ध अन्तराष्ट्रिय विमानस्थलको निर्माण कार्यबारे जानकारी लिनु भएको छ । बुटवलमा एमाललेले आयोजना गरेको कार्यक्रम पछि ओलीले निर्माणस्थलमा पुगि  आयोजना प्रमुख ई प्रवेश अधिकारी संग निर्माण अवस्थाको बारेमा जानकारी लिनुभएको हो ।

गौतम बुद्ध अन्तराष्ट्रिय विमानस्थल निर्माणको अन्तिम चरणमा पुगेको छ । कुल ६ अर्व ८२ करोड रुपैयाँको लागतमा निर्माण भैरहेको बिमानस्थलको हालसम्म८२ प्रतिशतकाम सम्पन्न भएको छ । विमानस्थल आयोजनाका अनुसार हालसम्म ३ हजार मिटर लामो धावनमार्ग, जहाजपार्किङ्ग गर्ने एप्रोन, सव वे, ट्याक्सी वे लगाएतका संरचनाहरु निर्माण पुरा भैसकेका छन ।

यसैगरि मुख्य टर्मिनलभवन, टर्मिनल टावर, ट्याक्सी पार्किङ्ग लगाएतका संरचनाहरु निर्माणको कामअन्तिम चरणमा पुगेको छ। आगामी डिसेम्बर ३० सम्म विमानस्थलका सम्पुर्ण निर्माणका काम सम्पन्न भैसक्ने र जनवरीमाअन्तराष्ट्रिय उडान भर्ने तयारी भै रहेको छ ।  सरकारले गौतम बुद्ध अन्तराष्ट्रिय विमानस्थललाई  राष्ट्रिय गौरवको आयोजना घोषणा गरेको थियो ।