ग्यालेक्सी सिरिजमा एफ-४२ सामसुङको यस्तो छ फिचर

  

काठमाडौं । सामसुङले आफ्नो ग्यालेक्सी एफ सिरिजअन्तर्गत लेटेस्ट स्मार्टफो- ग्यालेक्सी एफ-४२ लन्च गरेको छ । टुवेल्भ फाइभ-जी ब्यान्ड सपोर्ट गर्ने यो फोन हाललाई दुई भेरियन्टमा उपलब्ध हुनेछ जसमा ६ जीबी र्‍याम प्लस १२८ जीबी इन्टरनल स्टोरेज तथा ८ जीबी र्‍याम प्लस १२८ जीबी इन्टरनल स्टोरेज रहने बताइएको छ । यो फोनको अन्तर्राष्ट्रिय बजार मुल्य ३३ हजार आसपास रहनेछ ।

फिचर र स्पेसिफिकेसन
ग्यालेक्सी एफ-४२ मा फुल एचडी प्लस इनफिनिटी भी डिस्प्ले दिइएको छ । यो डिस्प्ले वाटरड्रप न्याच डिजाइनका साथ तयार गरिएको छ जसको रिफ्रेस रेट ९० हर्ज छ ।

प्रोसेसरतर्फ यो फोनमा मिडियाटेक डाइमेन्सिटी ७०० शोसी चिपसेट प्रयोग भएको छ । फोटोग्राफीका लागि यो फोनमा एलईडी फ्लास र ट्रिपल रियर क्यामेरा दिइएको छ जसमा ६४ मेघापिक्सलको प्राइमरी लेन्स जडान गरिएको छ । यसको क्यामेरा नाइट मोड फिचरले सुसज्जित छ ।

साइड-माउन्टेड फिङरप्रिन्ट सेन्सर भएको यो फोनमा ५ हजार एमएएचको ब्याट्री उपलब्ध हुन्छ जुन फास्ट चार्जिङ सपोर्टका साथ प्राप्त हुनेछ । कनेक्टिभिटीका लागि यो फोनमा १२ ब्यान्ड फाइभ-जीका साथ ३.५ एमएमको हेडफोन ज्याक र यूएसभी टाइप सी पोर्ट दिइएको छ ।