सरकार बिकास आयोजनाहरु प्रति पूर्वाग्रही भयो: पूर्वअर्थमन्त्री पौडेल

  

फोटो- सागर पाण्डे

बुटवल । नेकपा एमालेका उपमहासचिब तथा पूर्वअर्थमन्त्री बिष्णु पौडलले बर्तमान सरकारको नीजि क्षेत्रको मनोबल उच्च बनाउन नसकेको बताउनु भएको छ । रुपन्देही उद्योग संघको ४३ औ बार्षिक साधारण सभा  तथा २२ औ अधिबेसनका अबसरमा बुटवलमा आयोजित कार्यक्रममा पौडेलले केपी ओली नेतृत्वको  सरकारमा आफु अर्थमन्त्री हुदा पेश गरेको बजेटलाई राज्यका सबै निकायले स्वागत गरेको स्मरण गर्दे सरकार परिवर्तन पनि राजनीतिक पूर्बाग्रह  बिकास निर्माणमा देखिन थालेको बताउनु भयो ।

निजी क्षेत्रलाई रोजगारमूलक र समृद्ध बनाउनतर्फ सरकार लागोस्अ भन्ने सुझाब दिदै उहाले भन्नुभयो 'अघिल्लो सरकारले साना उद्योगलाई कर छुटको व्यवस्था, पहुँच मार्ग निर्माणका लागि ७५ प्रतिशत सहुलियत दिने, होटेललाई उद्योगसरहको मान्यता राखेर प्रोत्साहन कार्यक्रम ल्याएको थियो ,तर अहिले सबैमा सरकार मौन बसेको छ। कार्यान्वयन गर्दिन पनि भन्दैन गर्छु पनि भन्दैन।’ पूर्वअर्थमन्त्री पौडेलले बुटवलमा निर्माणाधीन मोतिपुर औद्योगिक क्षेत्रको अतिक्रमण रोक्न सरकारसमक्ष माग समेत गर्नुभयो ।

देशमा रोजगारी सृजना गर्दै समृद्ध प्रदेश बनाउने अभियानमा केही व्यक्ति स्वार्थमा लाग्दा औद्योगिक क्षेत्रको काम प्रभावित भएको उहाँको बुझाई रहेको छ ।  नेता पौडेलले भैरहवा विमानस्थलको काममा विलम्ब नगर्न  आग्रह गर्दै  एसियाली बैकसँग ऋण सम्झौता नगर्दा टर्मिनल भवनको बाँकी काम रोकिएको बताउनु भयो ।

उहाँले वुटबल पाल्पा खडक खण्डको सिद्धबाबामा सुरुङ मार्गको काम पनि तुरुन्त अघि बढाउन सरकार संग माग गर्नुभयो । उहाँले बिकास आयोजनामा बिनियोजन भएको बजेट परिचालनमा खबरदारी गर्न सरोकारवाला ,नागरिक समाज र सञ्चारकर्मीहरु समेत आग्रह गर्नुभयो ।