सन्तोष साहको पुस्तक ‘अइला’ प्रकाशित

  

लण्डन । ‘बीबीसी मास्टर सेफ प्रोफेसनल्स् २०२०’ का फाइनालिष्ट नेपाली सेफ सन्तोष साहको ‘अइला’ नामक पुस्तक प्रकाशित भएको छ । 

विश्वकै चर्चित बुक पब्लिकेशन कम्पनी ‘पेन्गुइन रयाण्डम हाउस’ (डीके) साहको पुस्तक प्रकाशित गरेको हो ।

परम्परागत नेपाली पेय पदार्थ ‘अइला’लाई सन्तोषले उत्सव एवम् खुसियालीको ‘सगून’ अर्थात प्रेमको प्रतीकका  रूपमा परिभाषित गरेका छन् । यस पुस्तकमा पनि यस्तै किसिमको भावना शेयर गर्न चाहेको सन्तोषको भनाई छ ।

विविध स्वाद र परिकारहरूको धनी हुँदाहुँदै पनि ओझेलमा परेको नेपालका तराइ, पहाड र हिमालयका नेपाली सेफ र मास्टर सेफको सङ्ग्रहको पहिलो कुक बुक हो आइला । उनको यो बुक ५२ वटा मुलुकमा प्रकाशित भएको छ ।

पुस्तकमा पाँच दर्जन भन्दा बढी तराइ, पहाड र हिमालका मेनुहरू सम्मिलित छन् भने नेपाली परिकारहरु बनाउन सकिने सरल तरिकाबारे उल्लेख गरिएको छ ।