बुद्ध एयरको बिमान नेपालगञ्ज धाबनमार्गमा स्यालसंग ठोक्कियो

  

काठमाडौं । काठमाडौंबाट नेपालगञ्जको लागि उडेको बुद्ध एयरको उडान एक बिमान अतवरण गर्ने क्रममा स्यालसँग ठोक्किएको छ । बुद्ध एयरका अनुसार ४०७, कल साईन 9N-AJX जहाज अतवरण गर्ने क्रममा स्यालसँग ठोक्किएको हो ।  

बुधबार  काठमाडौंबाट नेपालगञ्जको उडान नं.४०७, कल साईन 9N-AJX जहाज अतवरण गर्ने क्रममा स्यालसँग ठोक्किन पुग्दा जहाजमा सामान्य क्षति पुगेको छ । चालक दलसहित सबै यात्रुहरु सुरक्षित रहेका बुद्ध एयरले जनाएको छ ।  

नेपालगञ्जमा रहेका यात्रुहरुलाई लिनका लागि बुद्ध एयरले काठमाडौंबाट छुट्टै खाली जहाज पठाएको थियो । बुद्ध एयरले नेपालगञ्ज विमानस्थलमा यस किसिमको दुर्घटना पहिला पनि भएको र हाल बारम्बार देखिएको हुँदा सम्बन्धित सबै निकायहरुको गम्भिर ध्यानाकर्षण गराएको जनाएको छ ।  उसले भविष्यमा यस किसिमको दुर्घटना दोहरिन नदिन सबै उपायहरु अवलम्वनका लागि पनि सरोकारबाल निकायहरुलाई अनुरोध गरेको छ  ।