अमेरिकामा एकैदिन ६ लाख ६३ हजार बढीमा कोरोना, ज्यान गुमाउने १६ सय बढी

  

एजेन्सी । अमेरिकामा कोरोेना संक्रमितको संख्या दैनिक रुपमा बढ्दै गइरहेको छ । विश्वमै सबैभन्दा बढी कोरोनाबाट प्रभावित बनेको अमेरिकामा पछिल्लो २४ घण्टाको अवधिमा मात्रै ६ लाख ६३ हजार ३६८ जनामा कोरोना भाइरसको संक्रमण पुष्टि भएको छ । 

यस्तै यसको संक्रमणबाट गत २४ घण्टामा १६ सय ४२ जनाले ज्यान गुमाएका छन् । उक्त अवधिमा कोरोना संक्रमणमुक्त हुनेको संख्या ७७ हजार ६१३ रहेको छ । 

अमेरिकामा हाल १ करोड ६५ लाख ३५ हजार बढी सक्रिय संक्रमित छन् । हालसम्म अमेरिकामा कोरोनाबाट ८ लाख ५५ हजार बढीले ज्यान गुमाइसकेका छन् ।