कट्रिना कैफ र विक्की कौशलको विवाहको एक महिना पूरा, दुवैले एक अर्कालाई दिए शुभकामना

  

बलिउड अभिनेत्री कट्रिना कैफ र विक्की कौशलको विवाह भएको एक महिना पूरा भएको छ । कट्रिनाले निकै सुन्दर तस्विर शेयर गरेकी छिन् । जसमा विक्की कौशल र उनकी श्रीमतीलाई अँगालो हालेको देखिन्छ । कट्रिना र विक्कीले एक महिनाको वार्षिकोत्सव मनाए । उनीहरुका सेलिब्रेटी साथीहरुले दुबैलाई बधाई दिएका छन् ।

कट्रिना र विक्की कौशलको यो सेल्फी केही मिनेटमै भाइरल भएको छ । १३ मिनेटमा करिब पाँच लाख प्रयोगकर्ताले लाइक गरेका छन् भने धेरै फ्यानले कमेन्ट गरेका छन् । दिया मिर्जा, नेहा धुपिया, रणवीर सिंह, वाणी कपुरदेखि जोया अख्तरसम्म सबैले कमेन्ट गरेका छन् ।

यो तस्बिरमा विक्की कौशल पत्नी कट्रिना कैफलाई अँगालो हालेको देखिएका छन् । दुबैको अनुहारमा निकै मिठो मुस्कान छ जसले यो तस्विरलाई अझ सुन्दर बनाएको छ । केटरिना–विक्कीले ९ डिसेम्बरमा राजस्थानमा विवाह गरेका थिए ।

कट्रिना र विक्कीले विवाहका लागि फरक ठाउँ रोजेका थिए । दुवैले ७०० वर्ष पुरानो सिक्स सेन्स फोर्ट होटलमा विवाह गरेका हुन् । यस अवधिमा सुरक्षा र गोपनीयताको कडा ख्याल राखिएको थियो। विवाहमा उनका नजिकका साथीभाइ र परिवारका सदस्य मात्रै सहभागी थिए ।

कट्रिना कैफ र विक्की कौशलको विवाहको तस्बिरलाई १० करोडभन्दा बढीले लाइक गरेका छन् । यस मामिलामा दुवैले विराट–अनुष्का र प्रियङ्का–निकलाई पनि पछाडि छोडेका छन्। विवाहपछि विक्की कौशल अहिले काममा फर्किएका छन् । विक्कीले इन्दौरमा सारा अली खानसँगको आगामी फिल्मको सुटिङ सुरु गरेका छन् ।