राष्ट्रपति भण्डारीबाट काजी कालु पाँडेको शालिकमा पुष्पहार अर्पण (फोटो फिचर)

  

तस्बिरः चन्द्रकला क्षेत्री-रासस

काठमाडौ । राष्ट्रपति विद्यादेवी भण्डारीले  चन्द्रागिरि नगरपालिका वडा नं १ स्थित दहचोकमा रहेको काजी कालु पाँडेको  शालिकमा  पुष्पहार अर्पण गर्नुभएको छ ।

पृथ्वीनारायण शाहको ३००औँ जन्मजयन्ती तथा राष्ट्रिय  एकता दिवसका अबसरमा राष्ट्रपति भण्डारी  सिंहदरबार पश्चिम मूलढोका जानुभई त्यहाँ अवस्थित राष्ट्रनिर्माता पृथ्वीनारायण शाहकाे सालिकमा पुष्पहार अर्पण गरेपछि  काजी कालु पाँडेको  शालिकमा पुष्पहार अर्पण गर्न दहचोक पुग्नु भएको हो ।

यो पनि पढ्नुहोस – राष्ट्रपति भण्डारीबाट पृथ्वीनारायणको शालिकमा माल्यार्पण (फोटो-फिचर)

 कालु पाण्डे पृथ्वीनारायण शाहका सेना प्रमुख हुनुहुन्थ्यो । नेपाल एकीकरणमा पाण्डेको अतुलनीय योगदान रहेको छ । विसं १७९९ चैत २५ गते राजा बन्नुभएका पृथ्वीनारायण शाहले ५२ राज्यमा विभक्त राज्यलाई एकीकरण गर्नुभएको थियो । विसं १८२६ मा काठमाडौँ उपत्यकाका तीन वटै राज्य विजयी गरी यहीँ राजधानी स्थापना गर्नुभएको थियो ।

यो पनि पढ्नुहोस –राष्ट्रिय एकता दिवसका अवसरमा राष्ट्रपतिको सन्देश

                       - राष्ट्रपति भण्डारीले पृथ्वीनारायण र कालु पाण्डेको शालिकमा माल्यार्पण गर्ने