काठमाडौँ । तारा एयरको विमान दुर्घटनामा ज्यान गुमाएकामध्ये ११ जनाको शव परिवारलाई जिम्मा लगाइएको छ । आज शिक्षण अस्पताल महाराजगञ्जमा ती शवको परीक्षण गरेपछि धनुषाका एकै परिवारका सात र चार भारतीय नागरिकको शव परिवारलाई जिम्मा लगाइएको हो ।
अझै ११ जनाको शव परिवारलाई जिम्मा लगाउन बाँकी छ । गत आइतबार पोखराबाट जोमसोमका लागि उडेको तारा एयरको विमान दुर्घटना हुँदा विमानमा सवार तीन चालक दलका सदस्य र १९ यात्रुको निधन भएको थियो ।
