काठमाडौं । चर्चित र्यापर सुदीप भण्डारी उर्फ ‘जि–बब’ ले आफूलाई परिवारबाट स्वतन्त्रता चाहिएको बताएका छन् ।
आइतबार पत्रकार सम्मेलन आयोजना गरी जि–बबले आफूले बुबाआमाविरुद्ध मुद्दा दिएको नभइ निवेदन दिएको प्रस्ट पारे ।
उनले भने ‘ मुद्दा मुद्दा मुद्दा भन्ने शब्दले कुरा बिग्रिएको हो । मैले कपिमा लेखेर सिडिओमा गएर निवेदन दिएको हुँ । मलाई फ्रिडम चाहियो, स्वतन्त्र बस्न पाउनुपर्यो, मैले काम गर्नुपर्दा मेरा आमाबुबाले मलाई माथिबाट टोक्नुभएन, म र मेरो काम गर्ने टिमलाई प्रेसर दिनुभएन ।’
उनले अगाडि भने, ‘म खुट्टा लागेको ठूलो छोरा हुँ, मलाई स्वतन्त्रता चाहियो । मलाई मेरो आमाबाबुले छोडिदिनुपर्यो, म जहाँ भन्छु त्यहीँ उड्न पाउनुपर्यो ।’
