काठमाडौं । संस्कृति, पर्यटन तथा नागरिक उड्डयनमन्त्री प्रेमबहादुर आलेको फेरी अर्को अश्लील गालीगलौज गर्दै गरेको अडियो टेप सार्वजनिक भएको छ । उक्त अडियो टेपमा मन्त्री आलेले नेपाल एयरलाइन्सका अध्यक्ष युवराज अधिकारीमाथि गाली गलौज गरेको सुन्न सकिन्छ ।
अन्नपूर्ण पोष्ट दैनिकले छापेको खबर अनुसार अध्यक्ष अधिकारीलाई आफ्नै कार्यकक्षमा बोलाएर पर्यटनमन्त्री आलेले अश्लील गालीगलौज गर्दै हातपात गर्नुभएको हो ।
उक्त अडियो टेप पनि अन्नपूर्ण पोस्ट्ले सार्वजनिक गरेको हो । अडियोमा मन्त्री आलेले अध्यक्ष अधिकारीलाई अश्लील गालीगलौज गरेको सुनिन्छ।
आफूले सिफारिस गरेका मान्छेलाई जागिर दिन ढिला गरेको भन्दै मन्त्री आलेले अध्यक्ष अधिकारीमाथि गालीगलौच र दुर्व्यवहार गरेको पर्यटन मन्त्रालय स्रोतलाई उद्धृत गर्दै अन्नपूर्ण पोस्ट्ले खबर लेखेको छ।
सार्वजनिक भएको अडियोमा मन्त्री आलेले अधिकारीलाई धम्कीसमेत दिनुभएकाे छ ।
