काठमाडौं । मलेसियामा जारी एसीसी महिला टी–२० च्याम्पियनसिप अन्तर्गत नेपाल र युएईबीचको पहिलो सेमिफाइल खेल वर्षाका कारण रोकिँदा युएईले फाइनलमा स्थान बनाएको छ ।
किनरारा एकेडेमी ओभलमा भइरहेको खेल नेपालको इनिङ्स सकिएलगत्तै वर्षाले रोकिन पुगेको थियो ।
नेपाल समूह बी को उपविजेता र युएई समूह ए को विजेता रहेको थियो । युएई समूह विजेताको कारण फाइनलमा पुगेको हो ।
युएईले नेपाललाई जितका लागि ८२ रनको लक्ष्य दिएको थियो ।
आइसिसीको नियम अनुसार नेपाल बाहिरिएको हो । फाइनल शनिबार भएको कारण रिजरभ डे रहेको थिएन । अर्कोतर्फ यसै मैदानमा आज दिउँसो १२ बजेदेखि खेल दोस्रो सेमिफाइनलमा हङकङ र मलेसियाबीच प्रतिस्पर्धा हुँदैछ ।
त्यसैको कारण नेपाल र युएईबीचको खेल रद्ध भएको हो । फाइनल पुग्ने दुई टोलीले एसिया कप खेल्न पाउनेछन् । एसिया कपमा भारत, पाकिस्तान, श्रीलंका, बंगलादेश र थाईल्यान्ड छन् ।
