काठमाडौँ । प्रधानमन्त्री शेरबहादुर देउवाले समृद्ध मुलुकको अभियानमा रहेको बताउनुभएको छ । ६४औँ संसद् दिवसको अवसरमा संसद् भवनमा आयोजित समारोहमा उहाँले संघीय लोकतान्त्रिक गणतान्त्रिक मुलुकलाई समृद्ध बनाउने अभियानमा सबैको दायित्व रहेको बताउनुभयो ।
जननिर्वाचित शासन व्यवस्थामा संसदीय व्यवस्था सबैभन्दा महत्वपूर्ण भएको उहाँको भनाइ थियो । विसं २०१६ असार १६ गते नेपालमा सबैभन्दा पहिले संसद् बैठक बसेको थियो । सो दिनलाई स्मरण गर्दै हरेक असार १६ लाई संसद् दिवसका रुपमा मनाइन्छ ।
