काठमाडौ. । हरितालिका तीजको अवसरमा यही भदौ १३ गते सोमबार हिन्दू नारीहरुले दर खाएर १४ गते ब्रत बसे । तर जापानस्थित नेपाली दूतावासमा भने हिजो आइतबार अर्थात १९ गतेसम्म पनि तीज सकिएको थिएन ।
प्रधानमन्त्री शेरबहादुर देउवा पत्नी एवं नेपाली कांग्रेसकी नेत्री डा आरजु राणा देउवाको जापान भ्रमणको मौका पारेर जापानस्थित नेपालका राजदूत दुर्गाबहादुर सुबेदीले तीजको दर खुवाउनुभयो ।
दर कार्यक्रमको फोटो सामाजिक सञ्जालमा राख्दै राणाले लेख्नुभएको छ, “जापानमा अवस्थित नेपालका राजदूत श्री दुर्गा बहादुर सुबेदीज्यू तथा श्रीमती पूनम सुबेदीज्यूद्वारा तीजको अवसरमा आयोजित नेपाली चेली–बुहारीहरुको कार्यक्रममा प्रमुख अतिथिका रूपमा सरीक हुन पाउँदा खुशी लाग्यो ।”
