काठमाडौँ । सरकारले संसद् अधिवेशन अन्त्यको सिफारिस गरेको छ ।
शुक्रबार बिहान प्रधानमन्त्रीको सरकारी निवास बालुवाटारमा बसेको मन्त्रिपरिषद्को बैठकले शुक्रबार मध्यरातदेखि संसद्को ११ औँ अधिवेशन अन्त्यका लागि राष्ट्रपतिसमक्ष सिफारिस गर्ने निर्णय गरेको हो ।
सरकारले आगामी मंसिर ४ मा प्रतिनिधिसभा र प्रदेशसभा सदस्यको निर्वाचन गर्ने मिति तोकिसकेको छ भने निर्वाचन आयोगले आइतबार र सोमबारका लागि समानुपातिकतर्फ उम्मेदवारको बन्दसूची बुझाउने कार्यक्रम तोकेको छ ।
समानुपातितर्फका उम्मेदवारको बन्दसूची बुझाउने निर्वाचन कार्यतालिकाभन्दा अगाडि नै प्रतिनिधिसभाको आयु सकिने प्रावधान छ ।
