एजेन्सी । बलिउड अभिनेता सलमान खानका बडी डबल सागर सलमान पाण्डेको निधन भएको छ । भारतीय सन्चारमाध्यमका अनुसार जिममा कसरत गर्ने क्रममा उनको मृत्यु भएको हो । सागर ४५-५० वर्षका थिए ।
सलमान खानका अर्का बडी डबल शान्तनु घोषका अनुसार सागर जिममा कसरत गरिरहेको बेला अचानक बेहोस भएका थिए ।
सागरलाई तुरुन्तै जोगेश्वरी पूर्व, मुम्बईमा रहेको हिन्दी हृदय सम्राट बालासाहेब ठाकरे ट्रमा केयर नगरपालिका अस्पतालमा लगियो । त्यहाँ चिकित्सकले अस्पताल पुग्नुअघि नै सागरको मृत्यु भइसकेको जानकारी दिएका थिए ।
एक अन्तर्वार्तामा सागरले आफू पनि सलमान खान जस्तै अविवाहित भएको बताएका थिए । सागरका ५ दाजुभाइ छन् र उनीहरुको खर्च सागरले नै बेहोर्दै आएका थिए ।
बडी डबलको रूपमा सागरको करियर १९९८ मा आएको फिल्म ‘कुछ कुछ होता है’ बाट सुरु भएको थियो । यसपछि सागर बजरंगी भाईजान, ट्युबलाइट, दबंग, दबंग २ जस्ता फिल्ममा सलमानको बडी डबल बनेका छन् ।
