काठमाडौं । नेपाल कम्युनिष्ट पार्टी (क्रान्तिकारी माओवादी) का महासचिव मोहन वैद्यले नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’सँग भेट गरेका छन्।
बैद्य प्रचण्डलाई भेट्न बिहान ९ बजे प्रचण्ड निवास खुमलटार पुगेका हुन्।
झण्डै एक घण्टासम्म भएको भेटवार्तामा समसामयिक विषय, मुलुकको राजनीति, एमसीसी सम्झौतामा संसदवादी दलको भूमिकालगायतका विषयमा छलफल भएको बताइएको छ।
संसदमा एमसीसी टेबल भएको र संसदको बैठक बस्नु दुई दिनअघि भएको दुई शीर्ष नेताको भेटलाई अर्थपूर्ण रुपमा हेरिएको छ।
