एजेन्सी । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले जित निकालेको छ ।
आइतबार राति सम्पन्न खेलमा युनाइटेडले फुलहमलाई उसकै मैदानमा २–१ गोलले पराजित गरेको हो ।
खेलको १४ औं मिनेटमा क्रिस्टियन एरिक्सनले गोल गर्दै युनाइटेडलाई सुरुवाती अग्रता दिलाए । ६१ औं मिनेटमा ड्यानियल जेम्सले गोल गर्दै फुलहमलाई १–१ को बराबरीमा ल्याए । खेल सकिनै लाग्दा ९०.३ मिनेटमा एलेजान्ड्रो गार्माचोले गोल गर्दै युनाइटेडलाई २–१ को जित दिलाए ।
जितसँगै युनाइटेड १४ खेलमा २६ अंक जोडेर तालिकाको पाँचौं स्थानमा छ । १५ खेलमा १९ अंक जोडेको फुलहम नवौं स्थानमा छ ।
यस्तै, आइतबार राति नै भएको अर्को खेलमा एस्टन भिल्लाले ब्राइटनलाई २–१ गोलले हरायो । एस्टन भिल्लाको जितमा दुबै गोल ड्यानी इंग्सले गरे भने ब्राइटनका एलेक्सिस एलिस्टरले एक गोल फर्काए । १४ खेलबाट २१ अंकसहित ब्राइटन सातौं स्थानमा तथा १५ खेलबाट १८ अंकसहित एस्टन १२ औं स्थानमा छन् ।
