एजेन्सी । चलचित्र निर्माता नितेश तिवारी केही दिनयता रामायणमा पौराणिक चलचित्र बनाउने तयारीमा छन् । फिल्मको स्क्रिप्ट तयार भइसकेको छ, जसमा रावणको भूमिकाका लागि ऋतिक रोशनलाई अप्रोच गरिएको थियो ।
तर पछिल्लो रिपोर्ट अनुसार यसमा ऋतिक रोशन नभई केजीएफ स्टार यशले रावणको नेगेटिभ भूमिका निभाउनेछन् ।
पिंकभिल्लाको हालैको रिपोर्ट अनुसार ऋतिक रोशनले रामायणमा बन्ने फिल्मको प्रस्ताव अस्वीकार गरेका छन् । ऋतिक अब नकारात्मक भूमिका खेल्न चाहँदैनन् । यसअघि रिलिज भएको फिल्म विक्रम वेधामा पनि ऋतिकले नकारात्मक भूमिका खेलेका थिए र उनी अर्को नकारात्मक भूमिका खेल्न चाहँदैनन् ।
ऋतिक रोशनले प्रस्ताव अस्वीकार गरेपछि, नितेश तिवारी र निर्माता मधु मन्टेनाले अब केजीएफ स्टार यशलाई भूमिका प्रस्ताव गर्ने निर्णय गरेका हुन् । निर्माताले फिल्मको स्क्रिप्ट पनि यशलाई हस्तान्तरण गरिसकेका छन् । रिपोर्टका अनुसार यशले स्क्रिप्ट रिडिङ सुरु गरिसकेका छन् । उनीसँग ४–५ फिल्मको स्क्रिप्ट छ, त्यसैले रामायणको रावण अब यश बन्न सक्छन् ।
