काठमाडौं । राजधानीमा जारी छैठौं संस्करणको महिला राष्ट्रिय भलिबल प्रतियोगिताको आज फाइनल खेल हुँदैछ ।
प्रतियोगिताको फाइनलमा साविक विजेता एपीएफ र न्यु डायमण्ड स्पोर्ट्स क्लबबीच प्रतिस्पर्धा हुनेछ । त्रिपुरेश्वरस्थित राखेप कभर्डहलमा हुने फाइनल खेल दिउँसो २ बजे सुरु हुनेछ ।
एपीएफ उपाधि रक्षाको योजनासहित कोर्टमा उत्रिनेछ भने न्यु डायमण्ड नयाँ च्याम्पियन बन्ने योजनामा रहेको छ ।
चार टोलीको सहभागीता रहेको प्रतियोगितामा न्यु डायमण्ड अपराजित रहदै फाइनल पुगेको हो । सोमबार भएको लिग खेलमा न्यु डायमण्डले एपीएफलाई ३-१ को सेटमा हराएको थियो ।
एपीएफ दोस्रो स्थानमा रहदै फाइनल पुगेको हो ।
तेस्रो स्थानका लागि भने नेपाल पुलिस क्लब र त्रिभुवन आर्मी क्लबबीच प्रतिस्पर्धा हुदैछ ।
शेरबहादुर खड्का स्मृति प्रतिष्ठानको आयोजनामा जारी प्रतियोगिताका विजेताले ३ लाख रुपैयाँ पुरस्कार पाउने छन् । यस्तै उपविजेताले एक लाख ५० हजार र तेस्रो हुने टोलीले ७५ हजार रुपैयाँ नगद पुरस्कार प्राप्त गर्ने छन् ।
