काठमाडौं । दक्षिण तथा मध्य एसियाली मामिला ब्यूरो हेर्ने अमेरिकी उपसहायक विदेशमन्त्री एवं कूटनीतिक अफरीन अख्तर नेपाल आउनुभएको छ ।
नेपालस्थित अमेरिकी राजदूतावासका अनुसार उहाँले इसिमोड तथा ऊर्जा नेपालका नेपाली साझेदारहरुका साथै नेपाली सेना र सरकारी अधिकारीहरुसँग भेट गर्नुहुनेछ ।
भेटमा उहाँले जलवायु परिवर्तन, स्वच्छ ऊर्जा, मानवीय सहायता तथा विपद् प्रतिकार्यका विषयका साथै लोकतन्त्र मानवअधिकार तथा पारस्परिक आर्थिक समृद्धिलाई अगाडि बढाउने विषयमा छलफल गर्नुहुने राजदूतावासले जनाएको छ ।
