काठमाडौं । आज नेपाली सुनचाँदी बजारमा सुनको मूल्य बढेको छ ।
आज बजारमा छापावाल सुनको मूल्य प्रतितोला ५ सय रुपैयाँले बढेर १ लाख २ हजार ३ सय रुपैयाँ कायम भएको नेपाल सुनचाँदी व्यवसायी महासंघले बताएको छ । मंगलबार छापावाल सुन प्रतितोला १ लाख १ हजार ८ सय रुपैयाँमा कारोबार भएको थियो ।
त्यस्तै, तेजाबी सुन प्रतितोला १ लाख १ हजार ८ सय रुपैयाँमा कारोबार भईरहेको महासंघले जनाएको छ ।
बुधवार चाँदीको मूल्य पनि बढेको छ । आज चाँदी प्रतितोला १५ रुपैयाँले बढेर १ हजार २ सय ७० रुपैयाँमा कारोबार भईरहेको छ ।
