अछाम । नेकपा एमालेका नेता भीम रावल गृहजिल्ला अछामबाट पार्टीको कार्यक्षेत्रमा फर्किएका छन् । प्रतिनिधिसभाको चुनावमा टिकट नपाएपछि पार्टीका गतिविधिमा देखा नपरेका रावल शुक्रबार भने पार्टीको काममा सक्रिय बनेका हुन् ।
एमाले केन्द्रीय कार्यालयले सञ्चालन गरेको २ महिने ‘मिसन ग्रासरुट’ अभियानअन्तर्गत साँफेबगर नगर कमिटीले आयोजना गरेको अभिमुखीकरण कार्यक्रममा रावलले सहभागिता जनाए ।
नगरस्तरीय अभिमुखीकरण कार्यक्रममा सहभागी हुन रावल साँफेबगर पुग्दा कार्यकर्ताले नाराबाजी गरेर उनको स्वागत गरेका थिए । रावल निर्वाचनबखत मतदान गर्नमात्र गृहजिल्ला अछाम पुगेका थिए ।
त्यसो त एमालेको चितवन महाधिवेशनमा अध्यक्ष पदमा पराजित भएपछि रावल पार्टीका कुनै पनि कमिटीमा आवद्ध छैनन् । उनलाई एमालेले कुनै जिम्मेवारी दिएको छैन ।
