काठमाडौं । बंगलादेशमा आयोजित साफ यू–१७ महिला च्याम्पियनसिपको पहिलो खेलमा आज नेपालले भारतसँग प्रतिस्पर्धा गर्दै छ ।
बंगलादेशको बिएसएसएस मोस्ताफा कमल स्टेडियममा हुने खेल नेपाली समयअनुसार दिउँसो ३ बजेबाट सुरु हुनेछ । नेपाल बलियो टिम भारतलाई पराजित गर्दै च्याम्पियनसिपमा सुखद सुरुवात गर्न चाहन्छ ।
आज साँझ ७ बजेपछि हुने दोस्रो खेलमा आयोजक बंगलादेश र भुटान खेल्नेछन् । यू–१७ च्याम्पियनसिपमा नेपाल, बंगलादेश, भुटान, भारत र रुसको सहभागिता रहेको छ ।
सिंगल राउण्ड रोबिनमा हुने खेलमा नेपालले मार्च २२ मा भुटान, २६ मार्चमा रसिया र २८ मार्चमा आयोजक बंगलादेशसँग खेल्नेछ ।
नेपाली टोली
गोलकिपर: सुजाता तामाङ, राधिका ओली र करुण बुढाथोकी
डिफेन्डर: अञ्जना पुन मगर, प्रेरणा डोल्मा लामा, सीता रोकाया, अमिता भुल, सिमरन राई, विपना स्नेही र रेणु लिम्बु चाबेगु
मिडफिल्डर: माया मास्के, दीपा मगर, सुशीला केसी, झुमा विश्वकर्मा, सुक्रिया मिया, भावना परियार र पुनम चेम्जोङ
फरवार्ड: दीपा रोकाया, वर्षा ओली र सेनु परियार
