एजेन्सी । लोकसभाबाट अयोग्य घोषित भएको ११ दिनपछि राहुल गान्धी सोमबार सुरत अदालत प्रस्थान गरेका छन् । यसअघि बिहान करिब १०ः४५ बजे सोनिया गान्धी राहुललाई भेट्न उनको घर पुगिन् ।
सोनियालाई भेटेको १ घण्टापछि राहुल सुरतको लागि आफ्नो घरबाट निस्किएका थिए । राहुलसँगै प्रियंका गान्धी, राजस्थानका सीएम अशोक गहलोत र छत्तीसगढका सीएम भूपेश बघेल पनि सुरत जाँदैछन् ।
यसैबीच केन्द्रीय कानूनमन्त्री किरण रिजिजुले कांग्रेसलाई निशाना बनाएका छन् । रिजिजुले भने, ‘जब तिम्रो (राहुल गान्धी) ट्रायल चलेको थियो, तब किन अपिल गरेनन् ? अहिले डराउनको लागि यो नाटक भईरहेको छ । यो अदालतमा दबाब सिर्जना गर्न मात्र हो । कांग्रेसले सिंगो परिवारलाई देशभन्दा माथि ठान्छ ।’
मार्च २३ मा सूरत अदालतले राहुल गान्धीलाई ‘सबै चोहरुको उपनाम मोदी किन हुन्छ ?’ भनाइसँग सम्बन्धित मानहानि मुद्दामा दोषी ठहर गरेको थियो । उनलाई दुई वर्ष कैद र १५ हजार जरिवाना तोकिएको थियो । अदालतले राहुललाई सजायविरुद्ध अपील गर्न ३० दिनको समय दिएको थियो । त्यही अनुसार राहुल आज सुरत प्रस्थान गरेका हुन् ।
