काठमाडौं । नेकपा एमालेका वरिष्ठ नेता एवम् पूर्वप्रधानमन्त्री झलनाथ खनाललाई थप उपचारका लागि नयाँदिल्ली लगिंदै छ ।
आज (बुधबार) दिउँसो साढे बाह्र बजे उनलाई दिल्ली लैजान लागिएको खनालको सचिवालयले जनाएको छ । खनालको उपचार दिल्लीको एपोलो अस्पतालमा हुने छ । खनाललाई गत सोमबार बिहान काठमाडौंको थापाथलीस्थित नर्भिक अस्पतालमा भर्ना गरिएको थियो । उनकालाई ज्वरो र रगतमा हेमोग्लोबिनको मात्रा कम देखिएको थियो ।
यसअघि खनाललाई कोरोना संक्रमण भएर भएका लामो समय नर्भिक अस्पतालमा नै उपचार गरेर घर फर्किएका थिए ।
