एजेन्सी । संसारका धेरैजसो मानिसहरुको चाहना हुन्छ कि उनीहरुको उमेर छिटो न बढोस् र उनीहरुमा छिट्टै बुढ्यौली नहोस् । मानिसहरू सधैं जवान र फुर्तिलो रहन चाहन्छन् ।
धेरै जसो मानिसहरु आफ्नो बढ्दो उमेरको बारेमा चिन्तित छन् किनभने उनीहरु बुढ्यौली हुन चाहँदैनन् । यसैबीच, एक चिनियाँ वैज्ञानिकले आफूले मानिसको बुढ्यौली रोक्न सक्ने खोज गरेको दाबी गरेका छन् ।
यो खोजबाट मानिसलाई बुढ्यौली हुनबाट बचाउन सकिन्छ । वैज्ञानिकले सन् २०१८ मा आफूले पहिलो जीन एडिट गरिएको बच्चा बनाएको खुलासा गरेका छन् । यी चिनियाँ वैज्ञानिकको नाम हे जियानकुई रहेको छ । एक मिडिया रिपोर्टमा भनिएको छ कि जियानकुईलाई गैरकानूनी चिकित्सा अभ्यासको लागि तीन वर्षको लागि जेल सजाय पनि दिइएको छ ।
जेलबाट बाहिर आएपछि जियानकुईले स्वास्थ्य विज्ञहरूलाई चकित पारे । उनले बेइजिङमा अनुसन्धान प्रयोगशाला खोल्ने घोषणा गरेका छन् । जियानकुई जीन थेरापी मार्फत दुर्लभ रोगको उपचारमा केन्द्रित छन् । उनको नयाँ अनुसन्धान प्रस्तावलाई लिएर विवाद सुरु भएको छ । यो पनि जियानकुईको पहिलेको कामसँग मिल्दोजुल्दो रहेको विज्ञहरू बताउँछन् । जियानकुईको अनुसन्धानको आलोचना भइरहेको छ ।
विज्ञहरूले यसलाई अनैतिक र खतरनाक भनेका छन् । यसमा यति धेरै क्षमता छ कि यसले मानिसको डीएनएलाई असर गर्न सक्छ । चिनियाँ वैज्ञानिकले देश जनसङ्ख्याको बोझले दबिएको बताएका छन् ।
उनले वृद्धहरूको जनसंख्या सामाजिक, आर्थिक समस्या र चिकित्सा प्रणालीमा गम्भीर दबाब रहेको बताएका छन् । यसबाट चीनको बुढ्यौली जनसंख्याको समस्या समाधान गर्न सक्ने उनको भनाइ छ ।
जियानकुईको प्रस्तावमा गर्भावस्थाका लागि कुनै पनि मानव भ्रूण प्रत्यारोपण नगरिने उल्लेख छ । यससँगै प्रयोग गर्नुअघि सरकारको स्वीकृति लिनुपर्ने भएकाले उनी आफ्नो प्रयोगका लागि फेरि जेल जान चाहँदैनन् । जीन उत्परिवर्तन समावेश गर्ने जियानकुईका प्रयोगहरू विवादमा परेका छन् ।
विज्ञहरूले जियानकुईको यो प्रस्तावलाई वैज्ञानिक रूपमा निराधार भनेका छन् । चीन सरकारले जीन सम्पादन र यससँग सम्बन्धित नैतिक पक्षलाई नियमन गर्न कदम चाल्नुपर्ने उनीहरुको भनाइ छ । सिंगापुरको नान्याङ टेक्नोलोजिकल युनिभर्सिटीका एसोसिएट प्रोफेसर पिटर ड्रोगेले सम्पूर्ण प्रयोगलाई स्पष्ट रूपमा पागलको रूपमा वर्णन गरे ।
२०१८ मा, जियानकुईले संसारको पहिलो जीन उत्परिवर्तन बच्चा उत्पादन गरे । जसका कारण उनको विश्वभर आलोचना भएको थियो । चीनले मानव भ्रूण परिमार्जनलाई अवैध चिकित्सा अभ्यास मानेको छ । जसका कारण जियानकुईलाई तीन वर्षको जेल सजाय सुनाइएको थियो ।
