एजेन्सी । निर्देशक नितेश तिवारीले हिन्दू महाकाव्य रामायणमा आधारित फिल्म बनाउन लागेका छन् । फिल्म ‘आदिपुरुष’को विवादपछि सञ्चारकर्मीसँग कुरा गर्दै निर्देशकले अब रामायणमा बन्ने आफ्नो फिल्मबाट कसैको धार्मिक भावनामा चोट नपुग्नेमा आफू विश्वस्त रहेको बताएका छन् ।
मिडिया रिपोर्टका अनुसार उनले फिल्मका लागि रणवीर कपूर र आलिया भट्टलाई राम–सिताको मुख्य भूमिकामा छनोट गरेका छन् । तर, निर्देशकले आधिकारिक घोषणा भने गरेका छैनन् ।
जूम इन्टरटेनमेन्टसँग कुरा गर्दै निर्देशकले ओम राउतको फिल्म ‘आदिपुरुष’को विवादपछि पनि रामायणमा फिल्म बनाउने निर्णय किन स्थगित नगरेकोबारे बताए । यससँगै निर्देशकले यस फिल्ममा रणवीर–आलियालाई राम–सिताको भूमिकामा कास्ट गर्ने कुरा पनि गरेका छन् ।
निर्देशकले रावणको भूमिकामा केजीएफ अभिनेता यश उर्फ नवीन कुमार गौडालाई छनोट गरेका थिए । तर, यशले नकारात्मक भूमिका गर्न अस्वीकार गरे । यसअघि रावणको भूमिकामा ऋतिक रोशनलाई कास्ट गर्ने कुरा पनि चर्चामा आएको थियो तर परियोजनामा ढिलाइ भएपछि ऋतिक रोशनले पनि यो भूमिकाका लागि अस्वीकार गरेका थिए ।
