एजेन्सी । पोर्चुगिज सुपरस्टार क्रिष्ट्रियानो रोनाल्डो आवद्ध क्लब अल नासर अरब क्लब च्याम्पियन्सको फाइनलमा पुगेको छ ।
गएराति प्रिन्स सुल्तान बिन अब्दुल अजिज स्टेडियममा भएको सेमिफाइनल खेलमा इराकको च्याम्पियन क्लब अल सोर्टा एससीलाई १-०ले पराजित गर्दै अल नासर उपाधिनजिकै पुगेको हो ।
अल नासरको लागि रोनाल्डोले निर्णायक गोल गरे । उनले खेलको ७५ औँ मिनेटमा पेनाल्टीमार्फत गोल गरेर खेल आफ्नो पक्षमा ल्याएका थिए।
गएराति नै भएको अर्को खेलमा अल शबाबलाई हराउँदै अल हिलाल क्लब पनि फाइनलमा पुगेको छ । फाइनल खेल शनिबार राति हुनेछ ।
