काठमाडौँ। भारतले क्यानाडामा भिसा सेवा बन्द गरेको छ । क्यानडास्थित भारतीय नियोगले सञ्चालन समस्याका कारणले अर्को सूचना नभएसम्मका लागि भिसा सेवा स्थगित गरिएको जनाएको छ ।
भारतको भिसा आवेदन ह्यान्डल गर्ने कम्पनी बीएलएसको वेबसाइटबाट यो जानकारी सेयर गरिएको छ । “भारतीय मिशनबाट महत्त्वपूर्ण जानकारी– परिचालन कारणहरूले गर्दा, भारतीय भिसा सेवाहरू २१ सेप्टेम्बर २०२३ देखि अर्को सूचना नभएसम्म निलम्बन गरिएको छ।
थप अपडेटहरूको लागि कृपया बीएलएस वेबसाइट जाँच गरिरहनुहोस्”, क्यानाडाको इन्डियन भिसा सेन्टरले आफ्नो वेबसाइटमा उल्लेख छ । क्यानाडामा खालिस्तानको माग गर्ने एक सिख नेताको हत्या भएपछि भारत र क्यानडाबीच कूटनीतिक विवाद जारी छ ।
यसअघि क्यानाडाले एक भारतीय कूटनीतिज्ञलाई देश निकाला गरेको थियो। यसपछि भारतले पनि क्यानाडाली कूटनीतिज्ञलाई पनि निष्कासन गरेको थियो ।
