काठमाडौं । नेपाली सुनचाँदी बजारमा आज साता कारोबारको पहिलो दिन सुनको मूल्यले नयाँ रेकर्ड बनाएको छ । सुनको मुल्यमा हालसम्मकै उच्च मूल्य कायम भई प्रतितोला एक लाख १७ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
यसअघि गत शुक्रबार मात्रै सुनको मूल्यले नयाँ रेकर्ड बनाएको थियो । उक्त दिन एक लाख १६ हजार रुपैयाँमा कारोबार भएको थियो ।
त्यस्तै, आज तेजाबी सुनको मुल्य प्रतितोला एक लाख १६ हजार चार सय ५० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यसैगरी आज चाँदी प्रतितोला एक हजार चार सय १५ रुपैयाँमा कारोबार भइरहेको महासंघले जनाएको छ ।
