एजेन्सी । बलिउड अभिनेता अमित साध वेब सिरिज ‘दुरंगा–२’ को कारण चर्चामा छन् । उनले ‘काई पो चे’, सुल्तान, सुपर ३० जस्ता हिट फिल्ममा काम गरिसकेका छन् ।
अमितले ओटीटी क्षेत्रमा पनि आफ्नो दमदार अभिनयले दर्शकको मनमा ठाउँ बनाएका छन् । हालै उनले बलिउडका ‘दबंग’ सलमान खानसँग जोडिएको एउटा हृदयस्पर्शी किस्सा सेयर गरेका छन् ।
मिडियालाई दिएको एक अन्तर्वार्तामा अमित साधले ईद मनाउने क्रममा सलमान खानसँग जोडिएको एउटा रोचक घटना सेयर गरेका छन् । ‘सुल्तान’ फिल्ममा सँगै काम गरेपछि सलमानले उनलाई ईद मनाउन निम्तो दिएको अभिनेताले बताए । अमितले अगाडि भने कि सलमानले उनलाई लामो समयसम्म बस्ने जिद्दी गरेका थिए, किनभने उनको लागि एउटा सरप्राइज थियो ।
अमितले सुटिङको कारणले कार्यक्रम छाड्न आग्रह गरे पनि सलमान खानले जान नदिएको बताए । बिहान करिब ५ः३० बजेसम्म सलमान खानले उनीसँग कुरा गरिरहे र अमितको साइकल चलाउने रुचिको बारेमा थाहा पाएपछि सलमानले उनलाई आफ्नो साइकल उपहार दिए र भने कि ‘यो तिम्रो हो’ । अमितले शेरवानी लगाएर सलमान खानको साइकलमा घर गएको बताए ।
