काठमाडौँ । एसियन क्रिकेट काउन्सिल (एसिसी) ले आज यू-१९ एसिया कपको खेलतालिका सार्वजनिक गरेको छ ।
यू-१९ एसिया कप ८ देखी १८ डिसेम्बरसम्म युएईमा हुनलागेको प्रतियोगितामा नेपाल समूह ए मा परेको छ । समूह ए मा नेपालसँगै भारत, पाकिस्तान र अफगानिस्तान छन् । यस्तै, समूह बी मा बंगलादेश, श्रीलंका, युएई र जापान छन् ।
नेपालले पहिलो खेल ८ डिसेम्बरमा आइसिसी एकेडेमी ओभल २ मा पाकिस्तानसँग खेल्नेछ । यस्तै, १० डिसेम्बरमा अफगानिस्तानसँग दोस्रो खेल खेल्नेछ भने समूह चरणको अन्तिम खेलमा १२ डिसेम्बरमा भारतसँग खेल्नेछ
प्रतियोगिताको सेमिफाइनल १५ डिसेम्बरमा हुनेछ भने फाइनल १७ डिसेम्बरमा हुनेछ ।
नेपालले तीन साताअघि मलेसियामा सम्पन्न एसिसी यू-१९ प्रिमियर कपमा नेपाल विजेता, युएई उपविजेता र जापान तेस्रो स्थानमा रहँदै प्रिमियर कपमा शीर्ष तीनमा रहँदै एसिया कपमा स्थान बनाएका हुन् ।
