काठमाडौं। राष्ट्रिय स्वतन्त्र पार्टी (रास्वपा)ले सांसद डा. स्वर्णिम वाग्लेलाई उपसभापति बनाएको छ ।
महोत्तरीमा जारी बैठकले वाग्लेलाई उपसभापति चयन गरेको हो । यसअघि उपसभापति रहेका डिपी अर्याल रहनु भएको थियो । रास्वपाको बिधानमा दुई उपसभापतिको व्यवस्था गरिएको छ ।पार्टीको मर्यादाक्रममा अर्याललाई अगाडी राखिएको छ ।
बैठकले अन्य पदाधिकारीको समेत चयन गरेको छ । महामन्त्रीमा मुकुल ढकाल कायम राखिएको छ भने सहमहामन्त्रीमा कविन्द्र बुर्लाकोटी, सुमना श्रेष्ठ र विपिन आचार्य चयन भएका छन् । पार्टी कोषाध्यक्ष लिमा अधिकारी सह(कोषाध्यक्ष वसुमाया तामाङ र दीपक बोहरालाई तोकिएको छ ।
सहप्रवक्ताको जिम्मेवारी मनिष झा, प्रतिभा रावल, रमेश प्रसाईलाई दिईएको छ । बैठकले संसदीय दलको उपनेतामा विराजभक्त श्रेष्ठ र प्रमुख सचेतकमा सन्तोष परियार लाई निरन्तरता दिईएको छ ।
