काठमाडौँ । नेपाली सुनचाँदी बजारमा साताको अन्तिम कारोबार दिन अर्थात् शुक्रबार सुनको मूल्य बढेको छ ।
आज छापावाल सुन प्रतितोला दुई सय रूपैयाँले बढेर एक लाख १८ हजार आठ सय रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । बिहीबार छापावाल सुन प्रतितोला एक लाख १८ हजार छ सय रूपैयाँमा कारोबार भएको थियो ।
यस्तै, शुक्रबार तेजाबी सुन प्रतितोला एक लाख १८ हजार दुई सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १८ हजार ५० रूपैयाँमा कारोबार भएको थियो ।
त्यसैगरी, शुक्रबार चाँदीको मूल्य भने स्थिर रहेको छ । आज चाँदी बिहिबार कै मूल्यमा यथावत रहि प्रतितोला १४ सय ६० रूपैयाँमा कारोबार भईरहेको महासंघले जनाएको छ ।
