एजेन्सी । साउथ अभिनेत्री रश्मिका मन्दाना आफ्नो फिल्मका कारण चर्चामा रहन्छिन् । पछिल्लो समय रश्मिकाले समस्याको सामना गर्नुपरे छ । उनको उडान आकस्मिक अवतरण गर्नुपरेको थियो ।
यो घटनाले अभिनेत्री र उनका सहयात्रीहरूलाई स्तब्ध बनाएको थियो । रश्मिकाले फ्लाइटमा बसेको तस्विर पनि सेयर गरेकी छिन् ।
रश्मिकाले आफ्नो अफिसियल इन्स्टाग्राम अकाउन्टमा यो तस्बिर सेयर गरेकी छिन् । उनको यो तस्बिर सामाजिक सञ्जालमा सार्वजनिक हुनेबित्तिकै भाइरल भयो । यसपछि रश्मिकाका फ्यानहरुले उनको बारेमा चिन्ता व्यक्त गर्न थालेका थिए ।
यो समयमा रश्मिका अभिनेत्री श्रद्धा दाससँग यात्रा गरिरहेकी थिइन् । रश्मिकाले आफ्नो इन्स्टाग्राम स्टोरीमा श्रद्धासँगको सेल्फी सेयर गरेकी छिन् ।
अभिनेत्रीले तस्बिर शेयर गर्दै लेखेकी छिन्, ‘तपाईको जानकारीको लागि, आज हामी यसरी मृत्युबाट बच्न सफल भयौं ।’ रिपोर्टका अनुसार रश्मिका बसेको फ्लाइट मुम्बईबाट हैदरावाद गइरहेको थियो । प्राविधिक समस्याका कारण ३० मिनेटपछि फेरि मुम्बई फर्कियो । यस घटनामा कसैलाई पनि चोटपटक वा कुनै क्षति भएको छैन ।
रश्मिकाको कामको कुरा गर्ने हो भने, उनी अहिले आफ्नो फिल्म ‘एनिमल’को सफलताको आनन्द उठाइरहेकी छिन् । यस फिल्ममा उनी रणवीर कपूरसँग स्क्रिन सेयर गर्दै देखिएकी थिइन् । सन्दीप रेड्डी वांगाद्वारा निर्देशित यो फिल्म बक्स अफिसमा ब्लकबस्टर साबित भयो ।
